Kote tout moun pase
Kote m viv
Kote kanaval danse
Kote m jwe
Kote moun achte aleken
Kote m manje
Pa gen tòl
Pa gen dal
M ap dòmi
M ap konte zetwal
Seren pa fè m anyen
Chak swa m pran l
Si lapli ap tonbe
M al pare l anba lamye
La m fè zanmi
La m fè lènmi
Lènmi m pa konnen
Lènmi ki pa konnen m
Pou m viv?
Mande, mande, siye.
Baton pou granmesi
Nan men enkoni.
Lari a
Salon pèp la
Lakay mwen
Kote moun pase
Kote m leve.
Lola