Tout rèv mwen se pou lapli tonbe aswè a
Pou dlo nan je m pa deranje yo
Pou fristrasyon m pa soule yo
Mwen anvi lapli tonbe
Pou raj mwen pase ak li
Rèl mwen ta va sanble loray
Pou laperèz mwen pase pou lakrent syèl lan k ap gwonde
M anvi dlo desann
Letan mèt anvayi m
Pou pote dèy mwen ak tristès mwen ale
Desann desann
Kontre lanmè
Vag sila ki lajè syèl lan
Kote chagren sanble pa gen fen
Kote chagren pase pou pi bèl mèvey sou latè
Tafida