M konprann moun
Ki pèdi tèt yo
Ki tande vwa, ki wè
M konprann moun
Ki pèdi larezon
Paske nan yon segonn
Tout bagay detwi
Fini, Kraze, tonbe
M konprann moun ki vag
Sou jwenn lanmou
Nan jwèt san sa
M konprann sa ki chanje
Fè kè di
Voye emosyon jete
M konprann sila yo
Ki pa wè sans lavi
Ki pa wè sa yo vo
M konprann moun
Ki santi yo koupab
Ki santi yo trayi, bouke
Bouke bon pami pa bon
Bouke espere nan dezespwa
Bouke chèche nan dezòd
M konprann yo
Defile, m konprann ou.
Lola