M pa konn si m anvi viv ankò
M pa santi m ap viv ankò
Zantray mwen ap dechire
E m chaje ak remò
Se fòt mwen si l mouri,
M te di l pa sòti
Se fòt mwen si l ale
M pèdi sèl grenn pitit mwen te genyen an
Sèl grenn pitit mwen bay tout vi m, tout nanm mwen an
M ta pito e mwen ki mouri nan plas li.
Pito se te mwen,
Pito se te mwen.
Se sa ki refren m chak maten lè m leve
Tout fòs mwen, tout kouraj mwen ale avèl.
Tout kè kontan m, tout nanm mwen ale avèl.
M pèdi anvi viv, anvi menm respire.
M pèdi kè m, m pèdi oksijèn mwen.
Si lanmò ta dakò pou l pran lavi pa m pou l tounen, m ap fèl.
M pa santi m menm gen dwa pou m viv ankò.
Pito se te mwen
Bee