Ann fè yon ti refleksyon tou kout…
Avan yè swa mwen te kouche , m te ap bay de twa ti zen ak manmi.
Yon lòt moman, li te tonbe pale de kijan jèn fi y oye nan jenerasyon pa m nan.
Kòm se yon diskou ki toujou ap retounen a chak fwa mwen pa t bay sa enpòtans.
Epi yon lòt moman li gade m, li di m :
« ou menm tou, kòmanse pa ranje kò w pou lè ou pral marye, lè nèg ou ap vin chèche w nan kay la. »
M gade manmi, m sekwe tèt mwen, m lage yon soupi, mwen pa reponn, mwen jis kite l ap pale …
Mwen vle nou mete atansyon nou sou yon sèl bagay.
Pouki se yon gason ki pou vin pran m kay paran m ?
Pouki mwen paka deside yon jou, lè m pare, lè m ka jere tèt mwen poukò m pou m kite kay la ?
Lè konsa, yo montre m ke lekòl yo te voye m lan été yon tan pèdi.
Manti mwen fè ?
Si ou depanse kòb pou edikasyon m, ou banm valè, ou banm lanmou, ou montre m jere,
Poukisa mwen paka al eseye viv poukò m avan ?
Mwen konsyan epa tout paran ki konsa e ke repons tout kesyon sa yo ap vin mennen nou nan koze kilti ak tradisyon.
Men kèk fwa, m konn ap mande tèt mwen poukisa pa gen yon ti evolisyon tou piti nan kilti pa nou
Sou sijè fanm yo esesyalman.
CHOUCKET